Surdulli takohet me udhëheqjen policore të Kamenicës

Gjilan – I pari i komunës së Kamenicës, Shaip Surdulli, sot bëri një vizitë në stacionin policorë të komunës së Kamenicës. Ai, me këtë rast ka uruar Komandant Nazif Hajrizin dhe zëvendëskomandantin Gani Huruglica për postin e ri.

Surdulli, ndër të tjera theksoi se me marrjen e kësaj pozite nuk do të mungojë siguria, qetësia dhe bashkëpunimi i ndërsjellë në të ardhmen. Kryetari Surdulli ka thënë se besimi në Policinë e Kosovës ka qenë gjithmonë i mirë dhe kjo e bënë edhe më të sigurt të ardhmen e saj.

Surdulli gjithashtu ka shprehur gatishmërinë e institucioneve komunale për të ofruar siguri edhe në vendet më të prekshme siç është Karaqeva. “Shpresojmë që tani e tutje të kemi një prezencë më të madhe të policisë edhe në brezin kufitarë. Unë e kuptoj që vija kufitare është detyrë e qendrës,por me bashkëpunimin edhe të policisë vendore,mund të rritet siguria edhe në atë pjesë” është shprehur Surdulli.

Edhe komandantët Hajrizi e Huruglica janë dakorduar që të punojnë së bashku me institucionet komunale për të ofruar siguri për të gjitha komunitetet./rajonipress/