Surdulli nuk heq dorë nga vija kadastrale e kufirit në Karaqevë

Gjilan – Shaip Surdulli në një takim që ka pasur me zëvendëskomandantin e KFOR-it Johan Luif tha se Komuna e Kamenicës është e interesuar për fqinjësi të mirë me komunat fqinje.

Shaip Surdulli në takim me zëvendëskomandantin e KFOR-it Johan Luif edhe njëherë ka përmendur si çështje problematike rastin e Karaqevës. Surdulli në takim ka shtuar se siguria në përgjithësi është e mirë në komunën e Kamenicës, mirëpo vija kufitare te Karaçeva është problematike, pasi një pjesë të rrugës nuk e shfrytëzon as KFOR-i,e as policia e Kosovës.

Surdulli ka thënë se ajo pjesë me vija kadastrale dhe të gjitha dokumentet kadastrale i takon Kosovës, por, sipas tij që nga takimi që ka pasur me komandantin Erhard Bühler policia serbe nuk zbret më në rrugën e asfaltuar.

Komuna e Kamenicës është e interesuar për bashkëpunim të mirë fqinjësor me komunat fqinje , mu për ketë qellim është zhvilluar një takim i kryetarit Surdulli me kryetarin e komunës së Bujanocit,për ta thelluar bashkëpunimin ndërkufitarë .

Surdulli edhe në këtë takim përmendi nevojën e hapjes një pikë kalimi në komunën e Medvegjës, e cila kishte me qenë tejet e dobishme për popullatën e të dy komunave.

Ndërsa Johan Luif ka thënës e është tejet i impresionuar me atë që ka parë në komunën e Kamenicës.”Lajmet që vijnë nga terreni nga ushtarët tanë njoftojnë se komuna e juaj është e qetë dhe stabile” ka thënë Luif.

Ndërkaq shef i zyrës për komunitete dhe kthim ,Dejan Blagojeviq informoi për shtëpitë e ndërtuara për të kthyerit romë dhe serb në disa fshatra ./rajonipress/

Shpërndaje.
© RAJONIPRESS