Surdulli: Lumir Abdixhiku duhet të jap dorëheqje pa kthim dhe pa asnjë vonesë

Kamenicë – Çdo anashkalim i kësaj procedure vetëm çka e dëmton më shumë LDK-në. Pra duhet vepruar sikur që ka vepruar Akademik Isa Mustafa pas zgjedhjeve parlamentare të vitit 2021, ku pas dorëheqjes së tij, pa vonesë u thirr kuvendi zgjedhor i LDK-së dhe u zgjodh Lumiri kryetar i LDK-së ka shkruar Shaip Surdulli.

Postimi i plotë:

Mendimi im për LDK,
Në bazë të rezultatit jo të mirë të LDK-së në zgjedhjet e 28 dhjetorit 2025 dhe sipas standardit të krijuar në LDK që parasheh dorëheqje në rast rezultatit të dobët në zgjedhje, që këtë standard e ka deklaruar disa herë më parë vet Kryetari i LDK-së Lumir Abdixhiku, shprehi mendimin tim që Kryetari i LDK-së pa vonesë duhet të jep dorëheqje pa kthim dhe në Kuvendin e LDK-së të zgjidhet një Kryetar i ri.

Çdo anashkalim i kësaj procedure vetëm çka e dëmton më shumë LDK-në.
Pra duhet vepruar sikur që ka vepruar Akademik Isa Mustafa pas zgjedhjeve parlamentare të vitit 2021, ku pas dorëheqjes së tij, pa vonesë u thirr kuvendi zgjedhor i LDK-së dhe u zgjodh Lumiri kryetar i LDK-së.

Çdo kush që mundohet me arsyetuar deklarimin e Kryetarit aktual se në kuvendit e LDK-së do të ofrohet dorëheqja e tij dhe më pas me votim do të vendoset dorëheqja po ose jo e tij, mendoj që nuk i kontribuon të mirës së LDK-së. Përkundrazi do të ketë dorëheqjeje tjera, përçarje, jo unitet dhe dihet çka na pret në të ardhmen.

Këtë mendim personal po e shprehi duke e dasht LDK-në, ku përveç që jam anëtar dhe rugovist i LDK-së prej themelimit dhe e vazhdoj këtë rrugëtim, e kam udhëhequr degën e LDK-së prej vitit 2000 deri në vitin 2019 dhe komunën e Kamenicës gjatë kohës 2000-2007 dhe 2009-2013.

Shpresoj për të mirën e LDK-së !