Surdulli kërkon mbështetje më të madhe nga niveli qendrorë

Gjilan – Surdulli ka thënë se ana e Kamenicës dhe e Gjilanit në një far forme me projekt buxhetin e vitit të kaluar kanë qenë jashtëzakonisht të dëmtuara, kurse të favorizuar kanë qenë dy komunat e qendrës së Kosovës.

Shaip Surdulli ka pritur të martën deputetin e Kuvendit të Kosovës Haki Demollin i shoqëruar nga Vesel Latifi dhe Selatin Novosella.

Në këtë takim deputeti i komunës së Kamenicës Haki Demolli është informuar për të gjitha proceset e zhvilluara në komunën e Kamenicës si dhe me shqetësimin e udhëheqjes komunale , për shkak të ndarjes jo të drejt të buxhetit për këtë komunë.

Deputeti Haki Demolli tha se kam qenë i interesuar që para aprovimit të ligjit mbi buxhetin që të shohim më saktësisht se çka mund të kërkohet, cilat janë prioritetet , projektet, punët e juaja në mënyrë që t`i përcjellim në Kuvend. Të bëjmë një lloj lobimi me deputetet tjerë të cilët janë me origjinë nga Kamenica edhe pse i përkasin partive tjera.

Po ashtu , Demolli ka thënë se ” arsyeja pse ne jemi këtu është pikërisht mos ndarja në mënyrë të drejtë apo buxhetit për investime kapitale ’’. Ana e Kamenicës dhe e Gjilanit në një far forme me projekt buxhetin e vitit të kaluar kanë qenë jashtëzakonisht të dëmtuara, kurse të favorizuar kanë qenë dy komunat e qendrës së Kosovës.

Shaip Surdulli tha se, ne po mundohemi që me buxhetin e komunës ,dhe me grandin e qeverisë që i ndahet çdo komune të shfrytëzojmë ato mjete sa ma racionalisht. “Kuvendi komunal po funksionon mirë, po ashtu shërbimet e administratës e sidomos të ofiçarisë , ato kadastrale, si dhe është ngrit niveli i arsimit” etj.

Sa i përket projekteve Surdulli tha se është duke u punuar rreth përmirësimit të infrastrukturës , në qytet dhe fshatra , renovime të shkollave , ambulancave , kanalizimeve ,rregullimi i përroit të Rubocit etj.

Objekti i ri i komunës është në përfundim e sipër ,besojmë që në këtë vit do të përfundojë , ky projekt i investuar nga Komisioni Evropian. Po ashtu objekti i palestrës sportive ka filluar në vitin 2004 dhe ende nuk është përfunduar , puna është zvarritur për shkak se Ministria për Kulturë , Rini dhe Sport , nuk ka ndarë buxhet të mjaftueshëm .
Surdulli po ashtu tha se buxheti komunal është i vogël për t`i realizuar këto projekte të mëdha .

Gjithashtu në këtë takim kanë folur edhe Drejtori i Administratës Enver Ajvazi , Drejtoresha e Arsimit Fahrije Kryeziu , dhe këshilltari komunal Fatmir Krasniqi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).