Uji Dea

Surdulli : Fëmijët meritojnë kushte më të mira

/ 2 minuta lexim
Eco Higjiena

Gjilan – Me të vërtet jemi të gëzuar që jemi në këtë ambient të bukur, të ngrohtë, të pastër me kushte të mira për punë. Këta fëmijë të bukur që janë ardhmëria jonë i meritojnë këto kushte, por meritojnë përkujdesje edhe më të madhe tha Surdulli.

Sot, në institucionin parashkollor “ Filizat “ në Kamenicë, është bërë inaugurimi i ngrohjes qendrore. Në këtë përurim i pranishëm ishte edhe Kryetari i komunës së Kamenicës Shaip Surdulli, drejtorët e drejtorive komunale si dhe përfaqësues të tjerë institucional.

Drejtoresha e IP “ Filizat “ Shyhrete Kastrati, tha se merita kryesore i takon kryetarit, ajo falënderoj edhe drejtoreshën e Drejtorisë së Arsimit Fahrije Kryeziun, si dhe delegatët e Kuvendit komunal, të cilët i kanë dhënë mbështetje kërkesës për rregullimin e nxehjes qendrore. “ Fëmijët që rritën në këtë institucion në çdo stinë të vitit na sjellin ngrohtësi neve të rriturve. Ky vit ishte shumë i suksesshëm për ne ngase në këtë stinë të ftohtë të dimrit ne të rriturit u munduam t’u sjellim ngrohtësi fëmijëve” tha Kastrati, duke konsideruar si një vit të përfunduar me sukses.

Mobi Casa

Kryetari i komunës së Kamenicës Shaip Surdulli, uroj realizimin e këtij projekti. “ Me të vërtet jemi të gëzuar që jeni në këtë ambient të bukur, të ngrohtë, të pastër me kushte të mira për punë. Këta fëmijë të bukur që janë ardhmëria jonë i meritojnë këto kushte, por meritojnë përkujdesje edhe më të madhe” tha kryetari Surdulli.

Surdulli tha se do t’i ketë parasysh edhe nevojat tjera që i ka ky institucion. Surdulli, edhe një herë uroj stafit vitin e ri, duke i dëshiruar shumë suksese edhe në të ardhmen. Në fund, nga fëmijët u kënduan disa këngë si dhe për fëmijët shpërndan dhurata. /rajonipress/