Surdulli e Ozcu forcojnë lidhjet e bashkëpunimin

Gjilan – Me ftesë të kryetarit Surdulli për vizitë në komunën e Kamenicës, po qëndron kryetari i komunës Gursu të Turqisë Orhan Ozcu me bashkëpunëtorët, Melik Zahir , nënkryetar i komunës , delegatët e Kuvendit, Ahmet Korkut dhe Mevlut Adak , si edhe drejtori i financave Mehmet Nesim Ceylan.

Delegacionin e priti kryetari Surdulli me bashkëpunëtorët e tij Enver Ajvazi, Gani Sadiku , Rabit Halili.

Sipas Surdullit ky është fillim i një bashkëpunimi mes dy komunave i cili do të shtrihet në shumë fusha në interes të qytetarëve tanë. Po ashtu pritet që komuna e Kamenicës edhe komuna Gursu do të binjakëzohen .

Ndërsa kryetari i komunës Gursu zotëri Orhani i cili në Kosovë kishte qenë edhe më parë, vizita në Kamenicë ishte e para për te.

Marrëdhëniet e mira që zhvillohen mes shteteve tona i shfrytëzojmë që bashkëpunimi të shtrihet edhe në nivele më të ulëta.Ne mund të punojmë bashkërisht në shumë fusha, jemi të interesuar të sjellim investitor turq në ketë komunë të investojmë në bujqësi e fusha tjera , kemi shumë gjëra që na lidhin mes dy popujve edhe kjo është një përparësi e madhe që do të na më të afërt he më lehtë të bashkëpunojmë”.

Mysafirët nga Turqia kishin sjell disa dhurata të cilat i shpërndau nënkryetari i komunës zotëri Melik Zahir. Mysafirët vizituan edhe disa pjesë malore të komunës së Kamenicë për tu njohur me bukuritë turistike të kësaj komune./rajonipress/