“Supermenët” rrezikohen nga ndryshimi i ligjit

Drejtori i Institutit Kombëtar të Shëndetit Publik, Naser Ramadani, nuk e ndien veten “supermen” siç e ka cilësuar atë dhe kolegët e tij që mbajnë nga pesë puna, kryetari i Kuvendit, Jakup Krasniqi. Ramadani është njëri prej gjashtë zyrtarëve që Agjencia Kundër Korrupsionit i ka gjetur duke u angazhuar në pesë puna edhe pse kjo gjë në Kosovë është e ligjshme.

Sipas raportit të deklarimit të pasurisë që vetë Ramadani e ka bërë në AKK, ai ka të hyra vjetore prej 30 mijë e 200 euro nga punët që bën. Prej tyre, një pagë të plotë e merr si drejtor i Institutit Kombëtar të Shëndetit Publik, një gjysmë page si profesor në Universitetin e Prishtinës. Tri pagesat tjera, Ramadani i merr si konsulent për shëndetësi në KFOR, si konsulent në OJQ “KeA” dhe si anëtar nëpër komisione të ndryshme në Ministrinë e Shëndetësisë.

“Të gjitha ato të dhëna dhe të hyra që i kam deklaruar në Agjenci janë legale. Dikush ndoshta ka tendenca me u marrë me këto çështje, por nuk duhet të merrem me ta. Krejt ato kontrata që janë jashtë punës sime si drejtor dhe si profesor, janë kontrata të përkohshme që i realizoj pasdite. …”, ka thënë Ramadani për “Tribunën”, duke shtuar se për të gjitha të hyrat paguan tatim.(Tribuna)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).