Super Rama

Valdet Rama po rikthehet si dikur. Gradualisht është duke e gjetur formën e tij më të mirë. Të shtunën që lamë pas, mesfushori i skuadrës 1860 Munich ishte një ndër lojtarët, i cili mahniti me paraqitjen e tij në Ligën e Dytë Gjermane (Bundesliga 2). 27-vjeçari shënoi një gol dhe realizoi dy asiste në fitoren e skuadrës së tij në udhëtim ndaj Union Berlinit me shifrat 4:1.

Reprezentuesi i Kombëtares së Shqipërisë tregon për formën e tij në një intervistën për Arenën. “Ka qenë një lojë shumë e rëndësishme. Jam shumë i kënaqur që arrita t’i ndihmoj ekipit tim të shënojmë fitore. Me dy apo tri fitore do të arrijmë të ngjitemi edhe më lart në tabelë. Në ndeshjen e ardhshme luajmë ndaj FSV Frankfurtit dhe është një ndeshje shumë e rëndësishme për ne”, ka thënë Valdet Rama të dielën…(Arena)