Sulmohet kameramani i TV Puls në Pasjan

Gjilan – Viktima serb shtetas i Kosovës (kameraman i TV Puls), deri sa ishte duke xhiruar më 1 dhjetor, afër ndërtesës së komunës në fshatin Pasjan, është sulmuar fizikisht nga i dyshuari serb shtetas i Kosovës ( punëtor i komunës) dhe katër të dyshuar tjerë që të gjithë serb, me ç`rast i është marrë kamera, dhe më pas kanë goditur edhe veturën e gazetarëve, si dhe besohet ta kenë sulmuar edhe njërin nga gazetarët prezent, njoftoj policia.

Ismet Hashani zëdhënës i policisë tha se të dyshuarit janë larguar dhe nuk janë takuar fillimisht nga policia. Të nesërmen me 2 dhjetor 2013 janë identifikuar fillimisht një i dyshuar e më pastaj edhe tre të tjerë, të cilët janë intervistuar nga policia.

Me vendim të prokurorit rasti i referohet gjykatës. Ndaj të dyshuarve do të hapet rast penal për veprën “Dëmtim i pasurisë së luajtshme private” dhe “Lëndim i letë trupor”./rajonipress/