Sulm qyqar dhe huligan ndaj drejtorit Agim Shkodra

Kamenicë – Kryetari i Komunës së Kamenicës Begzad Sinani dënon ashpër sulmin ndaj Institucioneve Komunale dhe drejtorit të Arsimit z.Agim Shkodra. “Ky akt vandal dhe huligan është një sulm i drejtpërdrejtë ndaj punës së Institucioneve Komunale në Kamenicë dhe përpjekje për pengimin e punës në programin Edukativo – Arsimor dhe përmbushjen e objektivave tona të përbashkëta, si një prej vlerave më të rëndësishme në shoqërinë kosovare” tha kryetari i Komunës së Kamenicës Begzad Sinani.

Komuna e Kamenicës kërkon nga institucionet, përkatësisht Policia e Kosovës dhe Prokuroria që të hetojnë këtë rast të sulmit në vendin e punës ndaj drejtorit të Arsimit në Kamenicë z.Agim Shkodra thuhet në reagimin e Begzad Sinanit./rajonipress/