Sulm ndaj zyrtarëve policorë në Gjilan, arrestohet i dyshuari

Gjilan – Një person është arrestuar në Gjilan pasi dyshohet se ka sulmuar fizikisht dhe ka kanosur dy zyrtarë policorë në detyrë. Ngjarja ka ndodhur më 22 mars 2026, rreth orës 13:30, në rrugën e Kumanovës, në afërsi të stadiumit.

Sipas burimeve policore, i dyshuari, mashkull kosovar, është ndaluar menjëherë pas incidentit dhe është shoqëruar për intervistim. Me vendim të prokurorit, ai është liruar në procedurë të rregullt, ndërkohë që rasti po vazhdon të hetohet nga organet kompetente.

Autoritetet kanë dënuar sulmet ndaj zyrtarëve policorë, duke theksuar rëndësinë e respektimit të ligjit dhe bashkëpunimit me institucionet e rendit njoftoi policia e Kosovës./rajonipress/