Sulimani i pandalshëm
RajoniPress
08:40, 5 Gusht, 2013
Sulmuesi kosovar, Benjamin Sulimani, po tregohet tejet efikas me skuadrën e tij të re, Viking. Ylli kosovar ka arritur të shënojë edhe golin e dytë në po aq paraqitje për klubin norvegjez, në barazimin 2:2 ndaj skuadrës Lillstrome.
“Jam i lumtur që shënova, por nuk jam i kënaqur në përgjithësi pasi nuk fituam. Ne e patëm shansin të fitonim, pasi krijuam raste, mirëpo nuk arritëm në fund”, deklaroi Sulimani.
Ky i fundit kaloi te Vikingu gjatë afatit kalimtar veror, ndërsa në të dy ndeshjet e zhvilluara me këtë skuadër hyri në lojë në pjesën e dytë.
Ai ka marë nofkën e ‘superzëvendësuesit’ nga mediat skandinave.
