Studentët marshojnë për Kosovën Lindore

Qindra studentë të Universitetit “Hasan Prishtina” u kanë bërë thirrje të gjithë shqiptarëve që siç u tha “të zgjohen” dhe të mbrojnë heronjtë e Kosovës Lindore.

Studentëve të cilëve u janë bashkangjitur edhe shumë qytetarë, kanë marshaur në Prishtinë dhe kanë “paralajmëruar” Serbinë që të mos luaj me zjarr sepse kjo sipas tyre do tu kushtojë shtrenjtë.

Arben Mehmeti nga këshilli Organizativ, ka thënë se vetëm të bashkuar shqiptarët do të mund të arrinin qëllimet e tyre.
Ai u ka bërë thirrje institucioneve në Kosovë dhe Shqipëri që të dalin në mbrojtje të qytetarëve në Kosovën Lindore dhe të mos lejojnë largimin e lapidarit me emrat e dëshmorëve.

“I bëjmë thirrje edhe qeverisë së Kosovës që në dialogun politik të bisedohet edhe për Preshevën, dhe të kërkohet që shqiptarët në Kosovën Lindore të kenë të drejta të barabarta me serbët në Kosovë” ka thënë Ahmeti.

Ndërkohë që Ahmeti ka kërkuar edhe nga Bashkësia ndërkombëtare që të mos e neglizhojë çështjen e lapidarit.
Marshi është përkrahur edhe nga shoqata Vatra, ndërkohë që qytetarët janë shpërndarë të qetë./Indeksonline/