Stublla me qetësi po e tejkalon situatën

Viti – Sarë Gjergji krijues nga Stublla tha për rajonipress se banorët e këtij fshati me qetësi dhe pa frikë e panik po e tejkalojnë situatën pas konfirmimit të një banori të saj me Koronavirus. Jam i befasuar me sjelljet shembullore të komunitetit dhe bashkëpunimin e plotë që e kemi me të gjitha organet lokale e qendrore tha Gjergji.

Kreu i Komunës së Vitisë Sokol Haliti ka konfirmuar tashmë se edhe fshati Stubëll pritet të futet në karantinë nga edhe ka ardhur personi i prekur me Koronavirus.

Stublla ndërkaq pas këtij lajmi ka marrë masat e nevojshme për ta tejkaluar këtë situatë.

Sarë Gjergji krijues nga Stublla tha për rajonipress se organet e fshatit janë në komunikim të vazhduar me Kryetarin e Komunës së Vitisë. “Hyrja në Stubell është nën përkujdesjen e Policisë së Kosovës. Themi se frikë nuk ka, por që kujdesi do jetë në nivelin e duhur dhe sipas udhëzimeve të Institucioneve të Komunës dhe të nivelit qendror, konform kësaj do jetë dhe sjellja e qytetarëve” tha Gjergji.

Gjergji tha se familja e personit të prekur me koronavirus që ndodhen në Itali nuk kanë shenja virusi. /rajonipress/