Stanishori i përzier etnikisht kërkon më shumë investime

Gjilan – Hazir Ahmeti aktivist nga fshati Stanishor komuna e Artanës është i pakënaqur me dinamikën e investimeve. Sipas tij shumica e rrugëve nëpër fshatrat serbe janë të shtruara me asfalt, derisa to shqiptare janë të anashkaluara.

Fshati Stanishor ka tre vite që është ndarë nga Komuna e Gjilanit. Me procesin e decentralizimit Stanishori iu bashkëngjit Novobërdës pa dëshirën e banorëve. Tash ky fshat numëron mbi 125 shtëpi,prej tyre 100 serbe dhe 25 shqiptare.

Hazir Ahmeti banor i Stanishorit dhe aktivist i LDK-së ku edhe e ka pushtetin kjo parti tha se është i pakënaqur me dinamikën e investimeve.”Kryetari Bajrush Ymeri na ka premtuar më herët se do të asfaltohet rruga e gjatë 1200 metra. E di që ai ka vullnet, por buxheti i vogël e ka kufizuar që ta realizojë këtë projekt” tha Ahmeti.

Ahmeti mendon se fshatrat shqiptare janë anashkaluar nga buxheti komunal.”Nuk ka rrugë e rrugicë e fshatrave serbe që nuk është asfaltuar,kurse fshatrat shqiptare ose të përziera vazhdojnë të bëjnë jetë të rëndë në mungesë të infrastrukturës”.Sipas tij urgjente për Stanishorin mbetet asfaltimi i rrugës.

Ahmeti tha se Stanishori është vend atraktiv për turizëm e bujqësi.”Janë pishat e Stanishorit më të njohurat në Ballkan ato që i japin frymë dhe gjallëri këtij fshati” tha Ahmeti. Edhe, Ahmeti i ka mbi 3 hektar tokë të cilat i ka mbjellur pemë dhe pret të marrë fruta në vitin e ardhshëm.

Edhe fshati Makresh që është i banuar me popullatës shqiptare ,sipas Hazirit tokat e serbëve që janë afër ,janë blerë të gjitha nga shqiptarët.”Stanishori shumë shpejt mund të shndërrohet në një pikë rekreative e sportive”.

Megjithatë, Ahmeti nuk është pishman që tani ndodhet nën administrimin e Novobërdës e jo të Gjilanit.”Dokumentet i nxjerrim shumë shpejt dhe nuk kemi telashe “ tha ai. Kryetari i Novobërdës, Bajrush Ymeri thotë se jo vetëm Stanishori po të gjitha fshatrat që kanë nevojë urgjente për infrastrukturë janë paraparë të ndihmohen në vitin 2013-2014 tha ai./rajonipress/