Stambolli, qyteti më i rëndësishëm kulturor

Sipas projektit ”World cities culture report” (WCCR) për vitin 2012, Stambolli është shpallur qendra e kulturës botërore.

Ky çmim është dhënë pas analizës së 60 treguesve siç janë numri i muzeve kombëtare, trashëgimisë kulturore nën mbrojtjen e UNESCO-s, numrin e kinemave, librarive dhe formave të tjera që rrisin ndërgjegjen kulturore të qytetarëve.

I dyti në listë është Johanesburgu, që konsiderohet si lidhje kulturore dhe tregtare me pjesën tjetër të kontinentit afrikan.

E treta renditet Londra, metropoli kosmopolitan tolerant që tërheq njerëz të profileve të ndryshme.

Pas Londrës, vjen Bombei dhe Nju Jorku, qyteti që ka investuar shumë në ekonomi, kulturë dhe në përgjithësi në art. Pason Parisi qyteti i muzikës, filmit dhe pikturës dhe më pas Sidnej, Shangai, Tokio, Berlini, Sao Paolo dhe Singapori.