Stallone: Ndalni spekulimet, jam i shkatërruar

Sylvester Stallone ka thënë se është shkatërruar nga vdekja e djalit të tij Sage Stallone.
Ai u ka dhënë mediave një mesazh që të ndalin spekulimet rreth vdekjes së djalit të tij dhe u ka bërë thirrje mediave të jenë më përgjegjëse në raste kaq të ndjeshme, shkruan tmz.
Stallone ka publikuar një fotografi me djalin e tij, të bërë në vitin 1991 nga fotografi Bruce Weber.
“Kur prindi humbë fëmijën e tij nuk ka dhimbje më të madhe”, ka shkruar Stallone me të publikuar këtë fotografi. /Indeksonline/