Sparkes: Udhëheqësit e luftës s’mund të kenë të drejtën absolute për pushtet

Andy Sparkes, ish –ambasador britanik në Kosovë dhe ish – zëvendësshef i EULEX-it, është i dyti person, pas Doris Pack, që flet për kërkesën e Ramush Haradinajt, për tu bërë Kryeministër i vendit.

Ai ka thënë për Kohën Ditore, se i takon popullit të Kosovës që të zgjedhë se kush do ta udhëheqë atë me anë të kutive të votimit, por duke u bazuar në një sistem të drejtë.

“Nuk kanë të drejtë absolute ata udhëheqës, që ishin udhëheqësit e luftës për çlirim, gjithmonë të jenë në pushtet dhe të kenë shokët dhe bashkëpunëtorët e tyre në pushtet. E kam respektin më të madh për luftën, dhe për ata që ishin të përfshirë në të, dhe rreziqeve që ndërmorën, por tani që Kosova është shtet, të udhëhiqet ky shtet nga praktikat më të mira të Bashkimit Evropian, dhe për Bashkimin Evropian, të mos ketë më ligje ndaras, një ligj për të pushtetshmit dhe një ligj për të dobëtit”, thotë, ndër të tjera Andy Sparkes.