Spanjollët çuditen me Valdet Ramën

Valladolid – Mediat spanjolle kanë bërë dje elozhe për paraqitjen e mesfushorit kosovar të Kombëtares shqiptare, Valdet Rama. Sipas tyre, lojtari i klubit spanjoll Real Valladolid e gjen më mirë veten në përfaqësuesen shqiptare sesa në klubin aktual.

“Ka shënuar tre gola në pesë ndeshje me Shqipërinë, ndërsa në ndeshje për Valladolin nuk ka mundur të realizojë asnjëherë”, shkruan ueb faqja “blanquivioletas. com”, transmeton Panorama sport .

Më tej evidentohet fakti se mesfushorit nuk i është dhënë hapësira e duhur te Valladolidi. Mediat spanjolle kritikojnë për këtë trajnerin Juan Martinez./koha/