Sot nisë manifestimi rajonal i poezisë “Trekëndëshi poetik i paqes”

Gjilan – Të shtunën poet, shkrimtar, letrar, krijues, adhurues të fjalës së shkruar do të bëhen bashkë në Grykën e Karadakut për të shënuar dhe filluar manifestimin i emërtuar tashmë si “Trekëndëshi poetik i paqes”.

Për të tretën herë me radhë sot poetë të shumtë nga kjo pjesë e Ballkanit Juglindor, ( Kosovë, Kosovë Lindore – Serbi, Maqedoni dhe Shqipëri) do mblidhen në një manifestim poetik në Grykën e Karadakut. Sabit Rrustemi është i bindur se ky manifestim do të jetë dinjitoz dhe me pjesëmarrje domethënëse për vet manifestimin.

Të shtunën poet, shkrimtar, letrar, krijues, adhurues të fjalës së shkruar do të bëhen bashkë në Grykën e Karadakut për të shënuar dhe filluar manifestimin i emërtuar tashmë si “Trekëndëshi poetik i paqes”.

Manifestimi rajonal i poezisë sipas Sabit Rrustemit do të tubojë në një vend shkrimtarët e trojeve shqiptare nga Maqedonia, Kosova Lindore, Shqipëria e Anamorava.

Rrustemi tha se ky manifestim që po bën dhe emër , madje dhe si ngjarje e tillë e vetme kulturore në këtë rajon, shënon 12 Qershorin – Ditën e Lirisë për Kosovën si dhe çlirimin e Gjilanit përmes poezisë, duke afruar poetë, qytete po edhe shtete nga një zonë që deri dje, ishte ndër zonat më militare për gati dhjetë vite ( 1990 – 1999).

Ars Clubi “Beqir Musliu”, si ideator dhe organizator i këtij Manifestimi ( i filluar nga viti 2010 ), po mëton dhe atë, me sukses, që t’ i afrojë këto pjesë të një trungu, edhe përmes artit letrar.”Trekëndëshi poetik i paqes”, ndryshe nga Manifestimet dhe veprimtaritë letrare në Kosovë, vazhdon të organizohet dhe mbahet në ambient të hapur, midis malesh, atje ku dikur buçisnin pushkët dhe kushtrimet e lirisë, duke i zëvendësuar me buçimat e vargjeve dhe figurave artistike.

Pika kufitare në Stanqiç dhe Kisha e Shën Anës në Dunav, kanë qenë dhe ende mbesin pikënisja e këtij Manifestimi. Si një lloj presioni artistik përmes motos “Vargjet kalojnë”, poetë të mbledhur nga këto tri shtete të rajonit, kanë kërkuar dhe apeluar hapjen e një vendkalimi kufitar aty ku nuk kishte kurrë kufi, në Stanqiç, mes Kosovës dhe Maqedonisë, dy vjet radhazi” tha Rrustemi./rajonipress/