Sot mot me vranësira dhe shi

Instituti Hidrometeorologjik i Kosovës ka bërë të ditur se sot do të mbajë mot me vranësira dhe intervale me diell.

Në njoftim thuhet se vranësirat gjatë ditës do të shoqërohen me reshje të shiut, raporton Zeri.info.

“Sasitë e reshjeve më të fokusuara parashihen ne veri dhe perëndim të Dukagjini, deri sa pjesët tjera parashihen të kenë sasi më të pakta të reshjeve. Kjo situatë meteorologjike do të krijoj kushte që në zona të kufizuar të ketë mundësi për reshje breshëri”, thuhet në njoftim.

Ndër të tjera IHMK-ja bën të ditur se temperaturat do të lëvizin ndërmjet 13-16 gradë Celsius, ndërsa maksimalet e ditës parashihen të lëvizin ndërmjet 19-23 gradë Celsius.

“Do të fryjë erë e lehtë, mesatare dhe lokalisht e fortë, nga drejtimi i veriperëndimit”, thuhet më tej. /Zëri

Shpërndaje.
© RAJONIPRESS