Sokol Haliti nderohet me titullin “Misionar Paqe”

Viti – Kryetari i Komunës së Vitisë, Sokol Haliti është nderuar sot nga Akademia Universale Botërore për Paqe dhe Prosperitet me titullin “Misionar Paqe si dhe Këshilltar Nderi i Misionit Diplomatik për Paqe dhe Prosperitet“, institucion ky i akredituar në Kombet e Bashkuara, Bashkimin Evropian dhe SHBA.

Ndarjen e kësaj certifikate e ka bërë kryetari i nderit të këtij misioni zoti Madhu Krishan, ndërkaq në ceremoninë e ndarjes së saj kanë marrë pjesë figura të larta politike dhe institucionale të vendit por edhe të rajonit, raporton rajonipress.

Para ndarjes së këtij titulli Kryetari i nderit të Akademisë Universale Botërore për Paqe dhe Prosperitet, Madhu Krishan, foli për rëndësinë e paqes në aspektin botërore, por duke i përmendur edhe figurat më të larta të Kosovës dhe atë nga presidenti historik Ibrahim Rugova, Nëna Terezë dhe Adem Jashari.

Ndërkaq, Shefki Hysa nga Akademia Botërore për Paqe dhe Prosperitetit dega në Shqipëri bëri vlerësimin e këtij çmimi për figurën e Sokol Halitit. “Sokol Haliti një bir i Kosovës i cili më të vërtetë është një komunarë dhe është më afër faktorit të paqes dhe njerëzve dhe komiteteve dhe ky me të vërtetë është një misionar i ri” u shpreh Hysa.

Gjatë kësaj ceremonie kanë folur edhe personalitetet e tjera të larta si Enver Ferizaj, Isa Mustafa dhe të tjerë.

Ndërkaq kryetari i Komunës së Vitisë pas marrjes së certifikatës tha se për prosperitet dhe paqe nevojitet angazhim dhe lobim ”Për paqe dhe prosperitet nevojitet angazhim dhe lobim, përndryshe idetë mbesin ide dhe mbetën vetëm ëndrra” ka thënë Haliti derisa ka cituar fjalët e mikut tonë të madh Richard Holbruk./rajonipress/