Sokol Haliti mobilizon institucionet komunale, pas dëmeve të shkaktuara nga shtrëngata

Viti – Pas shtrëngatës se fortë e cila ishte shoqëruar me breshër, kryetari Sokol Haliti mobilizon sektorin e emergjencave dhe njësitin e zjarrfikësve në Viti.

Me qëllim të evidentimit të dëmeve të shkaktuara nga shtrëngata, në terren kanë dal ekipet mobile të komunës, ku janë evidentuar dëme në kulmin e objektit të ish shkollës së mesme teknike, kulmi i zhveshtores së stadiumit të qytetit, lisi i rrëzuar mbi telat e rrymës elektrike në fshatin Remnik, zjarrfikësit e komunës së Vitisë kanë intervenuar edhe në Komunën e Kllokotit, konkretisht në fshatin Verbovc ku lisi ka rënë mbi kulmin e një shtëpie.

Gjithashtu sipas informatave të para ka dëmtime edhe nëpër ekonomitë familjare, konkretisht nëpër kulme të shtëpive.

Sektori i emergjencave apelon tek qytetarët që për raste emergjente të jashtëzakonshme të lajmërojnë në numrin 112.