Sokol Haliti emërohet sekretar për mërgatë në LDK

Viti – Kryetari i Lidhjes Demokratike të Kosovës (LDK), Lumir Abdixhiku, ka njoftuar emërimin e Sokol Halitit në detyrën e Sekretarit për Mërgatë të partisë.

Në këtë rol, Haliti do të ketë përgjegjësi për forcimin e lidhjes së LDK-së me mërgatën kosovare, si dhe për organizimin dhe përfshirjen aktive të saj në jetën politike dhe zhvillimore të vendit. Ky emërim synon të krijojë ura të reja komunikimi dhe bashkëpunimi me qytetarët kosovarë jashtë vendit, duke përforcuar rolin e mërgatës në procese vendimmarrëse dhe zhvillimore në Kosovë.

Sokol Haliti, i njohur për aktivitetin e tij në politikë dhe lidhjen me komunitetet jashtë vendit, pritet të kontribuojë në zgjerimin e pjesëmarrjes dhe përfaqësimit të mërgatës në strukturat e LDK-së./rajonipress/