“Socrati” me Mirush Kabashin folën shqip në Pallatin e OKB-së në Gjenevë

Gjenevë- Teatri i OKB-së në Gjenevë sonte kishte një befasi, mysafirin special nga Tirana, kësaj radhe as president e as diplomat, por aktorin tonë të mirënjohur Mirush Kabashi i cili para një publike ndërkombëtare rrëfeu “Apologjinë e vërtetë të Sokratit”.

Shfaqja e “Socratit..” u ndoq edhe nga tre ambasadorë shqiptarë në Zvicër Sejdi Qerimaj (OKB) Mehmet Elezi (Bernë) dhe ai i Republikës së Kosovës Naim Malaj në Bernë. Të pranishëm ishin edhe Kassym –Jomart Tokajev, drejtor i OKB-së dhe Georges J.Kaklikis ambasador grek, njofton agjencia informative kombëtare “Presheva Jonë”

Me rastin e 100-vjetorit të pavarësisë i ftuar nga misioni shqiptarë pranë OKB-së sot në mbrëmje në Pallatin e Kombeve të Bashkuara në Gjenevë para qindra pjesëmarrësve u prezantua shfaqja teatrale «Apologjia e vërtetë e Sokratit» ku kësaj radhe para ndërkombëtarëve dëshmoi aktrimin e shkëlqyeshëm të aktorit tonë të mirënjohur Mirush Kabashit.

Shfaqja e sotme në Pallatin e OKB-së «Apologjia e vërtetë e Sokratit» («La véritable apologie de Socrate») e luajtur nga artisti Mirush Kabashi u shfaq me një interesim të madh para publikut zviceran dhe ambasadorë botëror e diplomatë ndërkombëtar. Përveç, publikut zviceranë dhe shqiptarë shfaqja e “Socratiti..” u ndoq edhe nga tre ambasadorë shqiptarë në Zvicër: Sejdi Qerimaj (OKB) Mehmet Elezi (Bernë) she ai i Republikës së Kosovës Naim Malaj në Bernë.

Të pranishëm ishin edhe Kassym –Jomart Tokajev, drejtor i OKB-së dhe Georges J.Kaklikis ambasador grek. Pjesëmarrësve i pari ju prezantua duke i përshëndetur z. Jomart Tokajev drejtor i OKB-së i cili foli për vlerat e kulturës në Ballkan si vlera të përbashkëta, virtyte këto të OKB-së respektit të të drejtave të njeriut, të së kaluarës dhe perspektivës së këtyre vendeve, në këtë rast të Shqipërisë dhe Greqisë.

Po ashtu para publikut fjalën e morën edhe dy ambasadorët e misionit shqiptarë dhe atij grek..te cilët folën për kulturën dhe bashkëpunimin e mirë kulturor mes dy vendeve si dhe shfaqjen e “Socratit..” nga një autor grekë dhe aktor i shkëlqyeshëm shqiptar. Në fund të shfaqjes me pak fjalë përshëndeti të pranishmit edhe aktori ynë Kabashi..

“Shfaqja e “Apologjinë…” në Kombet e Bashkuara ka peshën e vet diçka më shumë se një dramë kulturore, por edhe artistike dhe kombëtare e aranzhuar nga misioni shqiptar në Organizatën e Kombeve të Bashkuara, për çka unë falënderoj nga zemra misionin shqiptarë dhe publiku shqiptarë dhe gjithë stafi i OKB-së dhe ambasadorë e diplomatë botëror që kishin ardhur të më ndiqnin..” i ka deklaruar pas shfaqjes artisti ynë Mirush Kabashi agjencisë informative kombëtare “Presheva Jonë”.

Ambasadori shqiptarë në OKB , Sejdi Qerimaj i ka thënë agjencisë “Presheva Jonë” se “prezantimi i “Antologjisë..” në Gjenevë kishte rëndësinë e vetë më shumë se një shfaqje teatrore, ka rëndësinë e vet kombëtare dhe artistike në një qendër evropiane, pikërisht në një institucion ndërkombëtar në OKB ku u ndoq me një interesim të madh nga publiku shqiptarë, zviceran dhe ai botëror. Do theksuar se «Apologjia e vërtetë e Sokratit» deri tani është reprizuar më shumë se 130 herë njofton preshevajone.