S’lodhet së dashuruari Naimin

Këngëtarja Mihrije Braha, përveç dedikimit ndaj muzikës, shumicën e kohës ia dedikon familjes së saj, si nënë dhe bashkëshorte.

Ajo ka një marrëdhënie perfekte me Platorin, e po kaq në harmoni është edhe me bashkëshortin, Naimin, për të cilin thotë se nuk e imagjinon dot jetën pa të. Pikërisht këtyre ua dedikon edhe pamjen rinore që gëzon, duke thënë se ky është sekreti i vetëm.

Mihrija, në intervistë për ”Mapo” ka folur gjerësisht për marrëdhënien bashkëshortore me Naimin:

”Ka shumë mirëkuptim në mes nesh. Nuk mund ta imagjinoni dot. Nëse kemi patur zënka të vogla kudo në shtëpi, në skenë apo në një ambient tjetër, ato më shumë i kanë ngjarë një debati me hyrje, shtjellim dhe konkluzion e asnjëherë zënka me përmbajtje primitive.”
Pas njëzet vitesh martesë, Mihrija ka thënë se mes tyre nuk ka më xhelozi:

”Jemi bërë imunë në këtë gjë. Nuk ka shumë xhelozi mes nesh. Ka shumë dashuri. Besoni, asnjëherë s’lodhem së dashuruari Naimin.”