“Skifterat” me Lutën

Gjilan – Kryesia e tifozëve të klubit Gjilani “Skifterat”, i ka dhënë sot përkrahje të plotë kandidatit të Lidhjes Demokratike të Kosovës për kryetar të Gjilanit, Lutfi Haziri, në garën për kryetar të komunës, gjatë një takim miqësor.

Kryetari i “Skifterave”, Skënder Shahini, ka thënë se “e keni besimin dhe përkrahjen e plotë të tifozëve me 3 nëntor duke besuar në vizionin tuaj për përparimin e sportit”.

Kandidati i LDK-së, ka falënderuar kryesinë e skifterave për përkrahjen e dhënë, duke u premtuar ndihmesë të madhe në funksionimin e klubit. Ai tha se e ka ndihmuar këtë klub që nga themelimi dhe do të vazhdoj ta bëjë këtë me shumë përkushtim./rajonipress/