Skandaloze: Këngëtarja serbe e ‘kall’ Shkodrën

Shokuese, turpëruese dhe e pa pranueshme. Gjatë të shtunës nëpër internet ka filluar të qarkullojë një video xhirim i cili e ka për protagonist këngëtaren serbe Irina Radic. Dhe, ajo natyrisht shihet duke performuar në një prej koncerteve të saj verore, asku tjetër pos në qytetin që përfaqëson kulturën shqiptare, Shkodër.

Indira ishte e ftuar që të performojë në Shkodër, ku nga pritja e mirë edhe ajo vet ishte befasuar, pasi shqiptarët bashk me të këndonin këngët e saj. Por, edhe ajo u tregua mjaft ‘bashkpunuese’ me publikun, duke përshëndetur në gjuhën shqipe, para se të këndojë këngët e saj të famshme në gjuhën serbe.

Hyrja për koncertin e një orësh të Indiras ishte 10 euro, ndërsa është shumë befasues fakti se i gjithë ambienti ishte i mbushur plot, marrë parasysh se Shkodra është djep i shqiptarizmit dhe i rezistencës anti-sllave.

Ky xhirim tashmë ka shkaktuar shumë polemika dhe pritet që të thellojë hendekun edhe ashtu të madh të marrëdhënieve mes shqiptarëve të Kosovës dhe shqiptarëve të Shqipërisë, pasi një performancë të një këngëtareje serbe, sot e kësaj dite nuk është e lejuar në Kroaci, pjesën boshnjake të Bosnjës dhe Slloveni.

Indira Radic është një prej këngëtareve më të shquara serbe të zhanrit të muzikës popullore serbe, ndërsa në Shqipëri ajo performoi së bashku me Jorgo Sekulic.