S’kam gabuar me Sadamin!

Ish-kryeministri i Britanisë së Madhe, Tony Blair, të hënën hodhi poshtë thirrjet nga Kryepeshkopi Desmond Tutu i Afrikës së Jugut se ai dhe ish-presidenti amerikan, George W. Bush, duhet të shkonin në gjyq për fillimin e luftës në Irak.

Blair lëshoi një reagim të ashpër, duke thënë se argumenti nuk është i ri dhe është provuar i gabuar. “Kam respekt për punën e Gjykatës Ndërkombëtre në Hagë, por kryepeshkopi nuk e ka të qartë veprimtarinë e saj”, tha Blair.

Ish-kryeministri britanik, kritikoi gjithashtu kryepeshkopin Tutu që tha se lufta për të hequr udhëheqësin irakian Sadam Husein nga pushteti ishte e gabuar.

“Sadam Hyseini kishte masakruar mijëra irakianë, dhe mjafton ky argument se ai duhej hequr nga pushteti”, tha Blair, duke thënë se “ka respekt të madh për punën e kryepeshkopit, por jo për komentet e tij lidhur me luftën në Irak”. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).