S`ka dru falas për familjet skamnore në Viti

Viti – Fatlum Demiri, Sekretar i Kuvendit Komunal të Vitisë, e njoftoj këtë komitet lidhur me kërkesën dhe rekomandimin e dhënë më parë. “Sa i përket pyetjes suaj lidhur me rekomandimin që të sigurohet lëndë djegëse (dru) për familjet e varfra ju njoftojmë se Ekzekutivi dhe Kuvendi ka shqyrtuar këtë rekomandim dhe drejtoria përkatëse përmes një shkrese na ka njoftuar se Agjensioni Pyjor i Kosovës ka ndaluar faljen e druve duke u bazuar në vendimin dhe udhëzimet administrative.

Komiteti për Komunitete ka mbajtur mbledhjen e parë të rregullt për këtë vit. Gjatë kësaj mbledhje kryesuesi i këtij komiteti, Radovan Kocic, ka paraqitur Planin e Punës së Komitetit për Komunitete për vitin 2017.

Në këtë takim anëtarët e KK-së, e aprovuan këtë plan me të cilën ndër tjerash parashihet që ky komitet të mban çdo muaj nga një mbledhje të rregullt, të shqyrton ankesat e paraqitura nga anëtarët e saj, të këshillon autoritetet komunale mbi të drejtat dhe interesat e komuniteteve e shumë të tjera.

Pas shqyrtimit të këtij plani anëtarët e KK-së, e aprovuan atë me shumicë votash me qëllim që ajo të shkoj për shqyrtim të mëtutjeshëm në organet e Kuvendit Komunal të Vitisë. Përndryshe ky plan përmban edhe kohën dhe vendin se kur do të zhvillohen aktivitetet e tij.

Kurse Fatlum Demiri, Sekretar i Kuvendit Komunal të Vitisë, e njoftoj këtë komitet lidhur me kërkesën dhe rekomandimin e dhënë më parë. “Sa i përket pyetjes suaj lidhur me rekomandimin që të sigurohet lëndë djegëse (dru) për familjet e varfra ju njoftojmë se Ekzekutivi dhe Kuvendi ka shqyrtuar këtë rekomandim dhe drejtoria përkatëse përmes një shkrese na ka njoftuar se Agjensioni Pyjor i Kosovës ka ndaluar faljen e druve duke u bazuar në vendimin dhe udhëzimet administrative. Ndërkaq lidhur me kërkesën tjetër që ka të bëjë me sigurimin e një zyre të veçantë për këtë komitet duhet të kemi parasysh se Komuna e Vitisë nuk ka hapësira të mjaftueshme zyre andaj edhe drejtoritë komunale janë të shpërndara në objekte të ndryshme. Kurse asnjë komitet si obligativ ashtu edhe jo obligativ nuk kanë zyre të veçantë”, u shpreh Demiri./rajonipress/