Sindikata e policisë serbe nxisin Ivica Daçiqin për ta prishur lapidarin e UÇPMB

Sindikata e policisë së Serbisë ka kërkuar përgjigje nga Ministri i Punëve të Brendshme serbe Ivica Daçiq se kur do të hiqet lapidari i dëshmorëve të UÇPMB-së në komunën e Preshevës thotë në një deklaratë të nënshkruar nga kryetari i sindikatave të policisë serbe Glisho Vidoviç ,ka njoftuar B-92, transmeton presheva jonë.

“Zotëri Daçiq, në fund të muajit të kaluar, publikisht keni premtuar se do të hiqen të gjitha përmendoret e vendosura të UÇPMB-së. Edhe pas një muaji nuk ka rezultat, përveç deklarimeve mediale se janë arrestuar një grup të rinjsh që ishin nisur drejt Preshevës për ta rrënuar njërin nga përmendoret”, thuhet në njoftim të sindikatave me drejtor Glisho Vidoviq.

Në njoftimin e sindikatës së policisë thuhet se të punësuarit në MPB-në serbe tregojnë pakënaqësi të madhe për atë se pse shteti nuk ka ndërmarrë asgjë për të hequr përmendoret e “terroristëve”, ndërsa nuk ka ndërtuar asnjë përmendore “për heronjtë e vdekur” që kanë dhënë jetë për mbrojtjen e vendit.

“Ne dënojmë fuqishëm vendosjen e përmendores për “terroristët” e UÇPMB-së që është vendosur në qendër të Preshevës, dhe kërkojmë nga ju, si Kryeministër dhe Ministër i Punëve të Brendshme, dhe nga Qeveria e Serbisë për të treguar unitet për këtë çështje. Z. Daçiq në fund, kërkojmë nga ju të mbani fjalën që keni dhënë para tërë Serbisë”, përfundon ky njoftim.

Shpërndaje.
© RAJONIPRESS