Sinani: Projektet madhore, mirëqenia dhe zhvillimi ekonomik objektivi kryesor edhe në vitin 2017

Kamenicë – Projektet në përmirësimin dhe mirëqenien për qytetarët e Komunës së Kamenicës, realizimi i objektivave në zhvillimin ekonomik përmes investimeve dhe realizimi i projekteve në infrastrukturë do të jetë objektivi im edhe në vitin 2017 thotë Begzad Sinani.

Sinani tha për rajonipress se fillimi i Investitorëve nga Turqia në vlerë prej 32 milion eurove dhe investitorë nga Zvicra në vlerë prej 5 milion euro në energjinë alternative do të përfundojnë sipas planit deri në gusht 2017. “Objektivi ynë është që Komuna e Kamenicës të hy si komuna e parë dhe të marr epitetin e komunës e gjelbert ku do krijojmë mundësinë e investimeve nga Bashkësia Evropiane në krijimin e vendeve të lira të punës. Këto projekte tanimë kanë filluar dhe do të përmbyllen sipas planit të paraparë në kontratë në mes komunës dhe investitorëve”.

Sinani tha se ne do të vazhdojmë në përmbylljen e projekteve dhe realizimin e projekteve të reja. “Ashtu siç kemi qene aktiv, dinamik, komunikativ e bashkëpunues me faktorë relevant për zhvillimin e Komunës së Kamenicës edhe këto vite, ashtu do të jem i përkushtuar në përmirësimin e mirëqenien e qytetarëve të Kamenicës” tha Sinani./rajonipress/