Sinani: Kemi zvogëluar shpenzimet komunale dhe po përfundojmë projekte kapitale

Kamenicë – Begzad Sinani, duke e prezantuar raportin e punës, ka thënë se qeverisja e tij karakterizohet me shumë suksese dhe pak sfida, kemi rënie të shpenzimeve komunale në disa kategori krahasuar me vitet e kaluar, gjithashtu po përfundojmë projekte kapitale dhe të njëjtën kohë nuk kemi ngecje në kryerjen e shërbimeve ndaj qytetarëve ka thënë Sinani.

Të premten është mbajtur seanca e XI-të e Kuvendi Komunal të cilën e udhëhoqi kryesuesi i Kuvendit Bajram Dërmaku dhe morën pjesë drejtorët e drejtorive komunale, përgjegjës të drejtorive, zyrtarë, OSBE-ja, shoqëria civile, në këtë seancë u morën vendime të rëndësishme dhe u trajtuan çështje të ndryshme, njëra prej pikave të rendit të ditës ishte diskutimi i raportit financiar i kryetarit Begzad Sinani për periudhën Janar – Shator 2016. Ky propozim raport u miratua me shumicë votash nga deputetët e kuvendit komunal.

Kryetari i Komunës, Begzad Sinani, duke e prezantuar raportin e punës, ka thënë se qeverisja e tij karakterizohet me shumë suksese dhe pak sfida, kemi rënie të shpenzimeve komunale në disa kategori krahasuar me vitet e kaluar, gjithashtu po përfundojmë projekte kapitale dhe të njëjtën kohë nuk kemi ngecje në kryerjen e shërbimeve ndaj qytetarëve” ka thënë Sinani.

Raporti është kritikuar nga disa këshilltarë komunal mirëpo u votua me shumicë votash, gjithashtu u propozua që të futet në rend dite edhe rregullimi i mbulimit të shpenzimeve të ceremonisë së varrimit për qytetarët e komunës së Kamenicës dhe u miratua raporti i komisionit për zgjedhjen e Këshillave Lokale, si dhe caktimi i lartësisë për kompensimin e anëtarëve të këtij komisioni u votuan nga të gjithë këshilltarët komunal po ashtu këshilltarët komunal diskutuan dhe miratuan edhe këto pika : Propozim-Vendimi Sh.03 Nr.34200 për dhënie në shfrytëzim të pronës së paluajtshme. Kërkesa e drejtorisë së Financave dhe Buxhetit për transfer të mjeteve nga kategoria ekonomike në shpenzime komunale.

Miratimi i Statutit të Qendrës kryesore të Mjekësisë Familjare në Kamenicë.
Miratimi i projekt propozimit Sh.02.Nr.35956 për edukimin e të papunëve nga qendra për depolitizimin e shoqërisë Kosovës.

Miratimi i draft Rregullores Sh.01Nr.34616 për ndryshimin dhe plotësimin e Rregullores për Taksa,Tarifa,Ngarkesa dhe Gjoba Komunale.Për seancën e ardhshme u shtynë dy pikat e rendit të ditës: Miratimi i Planit të Mirëmbajtjes dhe Planit të Investimeve në Komunën e Kamenicës Sh.09, Nr.34461 nga Drejtoria Shërbimeve Publike dhe Inspektoratit.

Miratimi i rregullores Sh.02 Nr.34708 mbi caktimin e orarit të punës në lëmin e Ekonomisë, tregtisë,zejtarisë dhe shërbimeve tjera në Komunën e Kamenicës./rajonipress/