Sinani falënderon kryetarët e këshillave lokale

Kamenicë – Është mbajtur takimi përshëndetës me kryetarët e deritanishëm të këshillave lokale.

Në takim ishin Kryetari Sinani, nënkryetari Fatmir Matoshi, drejtori i Administratës Valon Maliqi, shefi personelit Faton Biqkaj, dhe koordinatori për bashkëpunim me Këshillat Lokale Fisnik Kastati.

Në fjalën e tij kryetari i falënderoi kryetarët e Këshillave Lokale, për bashkëpunimin e mirë që ka ekzistuar, për kontributin e tyre të dhënë në terren me kërkesat e shtruara në adresë të komunës për projekte të ndryshme po ashtu njoftoi për problemet me disa projekte në disa bashkësi lokale, projektet që janë në realizim e sipër si edhe ato që janë procedurë.

Në fjalën e tyre kryetarët e disa këshillave: Isa Kryeziu, Fadil Kastrati, Sejdi Kurteshi, Zhivojin Milkoviq, Adem Hashani, falënderuan kryetarin për bashkëpunim dhe për realizimin e projekteve në vendbanimet tyre si dhe shtruan kërkesat për projekte tjera.

Koordinatori për bashkëpunim me bashkësitë lokale Fisnik Kastrati i njoftoi për përgatitjet e bëra për procesin e zgjedhor për Këshillat e Bashkësive Lokale, komisionin, për informata tjera, tha se do të njoftohen me kohë për fillimin e procesit zgjedhor.

Procesi zgjedhor sikurse në të kaluarën do të mbështetet nga Komuna në bashkëpunim me DEMOS-in./rajonipress/