Sinani dhe Gammon flasin për projekte të përbashkëta

Kamenicë – Koloneli Gammon, komandanti i KFOR -it, Sektori Amerikan, vizitoi të premtën komunën e Kamenicës.

Kryetari i Komunës, Begzad Sinani ka pritur në takim miqësor komandantin e KFOR-it kolonelin Gammon dhe e njoftoi atë për gjendjen e sigurisë në komunën e Kamenicës, po ashtu për projektet e realizuara.

Koloneli Gammon pasi u informua për projektet dhe qytetin e Kamenicës përgëzoi kryetarin për punët e bëra.

Ai tha kjo është vizita ime e parë pas marrjes së detyrës dhe besoj se do të kemi bashkëpunim në mes të KFOR-it dhe komunës.

Pas takimit Sinani së bashku me kolonelin Gammon vizituan qytetin./rajonipress/