Sikur Robin Hudi: Dollarët e vjedhura u hedhin të varfërve!

“Në rrethana normale plaçkitësit ikin pasi të kenë sulmuar bankën. Ndërsa këta erdhën te ne dhe na ndihmuan”

Në mëngjesin e të mërkurës, një Volvo e zezë po ikte me shpejtësi nëpër rrugët e Los Angjelosit, e ndjekur nga disa makina të policisë. Pak më parë në Santa Clarita ishte plaçkitur një filialë e Bank of America. Por, kjo ndjekje bëhet më interesante në momentin kur personat që ndodheshin në makinën e zezë fillojnë të hedhin kartmonedha dollarësh për dritare!

Në këtë mënyrë plaçkitësit shpresonin t`u iknin ndjekësve të tyre.

Por, të vetmit që përfituan nga kjo “shpërndarje zemërgjerë” parash ishin banorët lokalë, të cilët ishin dëshmitarë të kësaj ndjekjeje. Ata morën sa mundën nga këto para të hedhura, ndërsa pas disa orësh ndjekje, policia ia doli t`i arrestonte plaçkitësit.

Banorët e lagjes së varfër ku ndodhi kjo ngjarje e rrallë shprehen të lumtur. “Jam shumë i gëzuar që këta njerëz erdhën në lagjen tonë dhe na dhuruan të holla”, i ka thënë një grua e lagjes gazetës Huffington Post. “Në rrethana normale plaçkitësit ikin pasi të kenë sulmuar bankën. Ndërsa këta erdhën te ne dhe na ndihmuan”, ka shtuar ajo.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).