Si u arrestua grupi i hajnave prej 11 vetave

Gjilan – Policia e Gjilanit pas një pune të mirë operative ka arritur t`i prangos 11 persona (hajna) të dyshuar se kanë plaçkitur nëpër shtëpitë e gjilanasve;. Grupi dyshohet se ka vjedhur një automatik, pesë pistoleta, kamera, video, të holla, bizhuteri, telefona celular, mjete të ftohta e gjësende të tjera tha Ismet Hashani zëdhënës i policisë rajonale në Gjilan.

Policia e Gjilanit të martën vonë pasdite ka bastisur 13 lokacione të dyshuara ku ka arritur të prangos 13 veta që të gjithë të dyshuar për vjedhje të renda, raporton rajonipress.

Ismet Hashani zëdhënës i policisë rajonale në Gjilan tha për rajonipress se policia ka arritur të godas një zinxhir të vjedhjeve të rënda. Sipas tij policia ka bastisur në 13 lokacione të dyshuara, ku edhe ka arritur të prangos 13 veta.

Hashani tha se në këto bastisje janë gjetur një automatik, pesë pistoleta, bizhuteri të ndryshme, para, kamera, llaptop, fotoaparat të shtrenjtë, mjete të ftohta, shufra metalike dhe 215 gram narkotikë.

Hashani ta se shumica e të dyshuarve janë të njohur për policinë pasiqë janë recidivista. Nëntë të dyshuarit e parë pritet të dalin sot para gjykatësit hetues derisa 2 prej tyre janë liruar në procedurë të rregullt, derisa dy janë në kërkim e sipër.

Ky grup në bashkëveprim ka kryer vjedhje tek më së paku 3 mjek gjilanas ku vlera e dëmit arrin në mbi 13 mijë euro.

Gjësendet e gjetura tek shtëpitë e tyre do tu kthehen pronarëve dhe ato do të jenë të ekspozuara në lokalet tona tha Hashnai./rajonipress/