RCCOLA

Si të zgjoheni më lehtë nga gjumi?

/ 4 minuta lexim

Shpesh mund të dëgjojmë se si drejtorët e ndërmarrjeve zgjohen para orës 6 të mëngjesit, po ashtu thuhet se njerëzit më të suksesshëm janë ata që zgjohen herët, që edhe është e logjikshme. Nëse zgjoheni herët, më pak kohë do të kaloni në gjumë, por do të keni më shumë kohë në dispozicion për aktivitete të gjata dhe frytdhënëse.

Gjatë paradites është periudha kur keni më së tepërmi kontroll mbi veten tuaj. Me kalimin e ditës, përqendrimi bie, ndërsa është pak e besueshme që ndërmjet orëve 17:00 dhe 20:00 të ndodhë diçka me rëndësi.

Në vazhdim do t’i paraqesim disa këshilla të cilat do t’ju ndihmojnë që më lehtë të zgjoheni nga gjumi.

– Bini në të njëjtën kohë: Çka nëse nuk jeni të lodhur edhe deri në orën 01:00 pas mesnate?

Kjo është në rregull. Vetëm mendojeni se në mëngjes do të zgjoheni të lodhur. Ajo që duhet të bëni është që ta shtyni veten të flini edhe atëherë kur nuk jeni të lodhur. Prandaj, zgjohuni çdo ditë në të njëjtën kohë dhe gjithçka do të jetë në vendin e vet.

– Gjumi zgjat 90 minuta: Të gjithë e kemi dëgjuar se një gjumë tetorësh është ideal, por kjo teori, sipas shkencëtarëve, thekson se gjumi i njeriut zgjat 90 minuta. Këtu përfshihen 2 fazat REM të ndara me një jo-REM fazë.

– Zvogëlojeni kohën e gjumit: Ndoshta jeni mësuar që çdo mbrëmje të flini nga 8 orë. Nëse e mësoni organizmin tuaj, më pak kohë do t’ju nevojitet për pushim.

Provoni të flini 7 orë e gjysmë, derisa të gjeni ritmin i cili ju përshtatet. Nëse nuk keni ndonjë arsye të fortë që të zgjoheni herët nga shtrati, kurrë nuk do t’ia arrini një gjëje të tillë. Arsye mund të jetë shkuarja në palestër, përfundimi i një projekti të lënë në gjysmë, kafeja e mëngjesit, apo edhe gazeta.

– Rrezet e diellit: Do të ishte mirë që të keni hapësirë për rrezet e diellit që të depërtojnë brenda. Kur është errësirë, organizmi juaj prodhon hormonin e gjumit melatoninë. Nga ana tjetër, drita ndërpret këtë proces dhe dërgon sinjal trurit tuaj se është koha të zgjoheni.

UBT

– Jo gjumë pas alarmit: Gjithmonë do të mendoni “vetëm edhe 10 minuta”. Momentin e ardhshëm e keni kuptuar se gjumi ju ka kapluar dhe jeni vonuar për në punë rreth 1 orë e gjysmë.

– Nëse flini pak do të keni probleme me neurone: Nëse fle pak disa pjesë të trurit, ose më saktë neuronet, mund të hyjnë në grevë dhe ndërsa je zgjuar, mund të flenë edhe për pak çaste, me rrezikun që mund të gabosh në atë që po bën.

Zbulimi është bërë nga një studim italian i kryer mbi minjtë. Në kafshët që ishin pa gjumë, disa neurone në tru binin përkohësisht në gjumë, duke bërë që kavia të kishte vështirësi motorike.

Pra, këto janë disa këshilla të cilat duhet t’i keni parasysh nëse nuk dëshironi që të keni probleme me gjumin, pra të cilat do t’ju ndihmojnë që të zgjoheni më lehtë.

Box: Rrezet

Do të ishte mirë që të keni hapësirë për rrezet e diellit që të depërtojnë brenda. Kur është errësirë, organizmi juaj prodhon hormonin e gjumit melatoninë. Nga ana tjetër, drita ndërpret këtë proces dhe dërgon sinjal trurit tuaj se është koha të zgjoheni

Flini

Ajo që duhet të bëni është që ta shtyni veten të flini edhe atëherë kur nuk jeni të lodhur.