Si e pa SHBA Kosovën gjatë vitit 2013

Dy zhvillime në Kosovë gjatë vitit 2013 që kanë tërhequr vëmendjen e Washingtonit kanë qenë marrëveshja e 19 prillit midis Kosovës dhe Serbisë në Bruksel dhe zgjedhjet lokale, si një hap i rëndësishëm përpara për demokracinë e re të vendit.

Në prag të nënshkrimit të marrëveshjes Washingtoni zyrtar i çonte mesazh Kosovës dhe Serbisë që të shfrytëzojnë rastin e jashtëzakonshëm që hapë shtigjet drejt integrimit evropian, raporton RTK.

Po atë ditë, sekretari Amerikan i Shtetit John Kerry do të deklaronte se ‘marrëveshje mbi parimet për normalizimin e marrëdhënieve ka kërkuar kompromis dhe guxim politik nga të dyja palët’, ndërsa siguronte Kosovën se ‘SHBA mbeten fuqimisht të përkushtuara për pavarësinë dhe sovranitetin e saj.’

Menjëherë pas mbajtjes së zgjedhjeve lokale Qeveria Amerikane vlerësonte se Kosova është në gjendje të organizojë “zgjedhje në përputhje me standardet ndërkombëtare.”

Ndërkaq, Marrëveshjen pati edhe të tillë që e kritikuan si ‘një zgjidhje afatshkurtër që nuk do të sjellë paqe të qëndrueshme’ dhe se ‘të drejtat e njeriut po merrnin konotacione të një qasje territoriale.’

Bisedimet u thanë se ishin ‘një përpjekje e Beogradit të krijojë një sistem ku serbët e Kosovës do të qeveriseshin ndaras’.

Në anën tjetër mediat amerikane i quajtën bisedimet ‘vetëdijesim të zyrtarëve të Beogradit dhe qytetarëve të Serbisë rreth pavarësisë së Kosovës, ku 63 për qind e pranonin se Kosova është de facto e pavarur. /Indeksonline/