Shuarja e klasës së 13-të lë pa punë mësimdhënësit

Me ligjin për Arsimin Parauniversitar, klasa e 13-të është hequr. Ende nuk ka të dhëna për numrin e mësimdhënësve të cilët mund të mbesin pa normë, por llogaritjet janë se një numër i madh i tyre duhet të shkojnë në shtëpi.

Heqja e klasës së trembëdhjetë mund të rrezikojë që shumë mësimdhënës të mbesin pa punë – shkruan gazeta Tribuna.

Me ligjin për Arsimin Parauniversitar, klasa e 13-të është hequr.

Kjo do të jetë një sfidë për drejtoritë komunale të arsimit, pasi që Ministria e Arsimit thotë se është detyrë e tyre t’i sistemojnë mësimdhënësit, të cilët do të mbesin pa normë.

Më 14 maj do të jetë dita e fundit e nxënësve të klasës së 13-të, në shkollimin e mesëm të lartë. Por me heqjen e kësaj klase, shumë mësimdhënës nuk mund t’i plotësojnë normat e tyre e kështu mund të mbesin pa punë.

Ende nuk ka të dhëna për numrin e mësimdhënësve të cilët mund të mbesin pa normë, por llogaritjet janë se një numër i madh i tyre duhet të shkojnë në shtëpi.