Shtyhet për janar Kuvendi zgjedhor i PDK-së së Gjilanit

Gjilan – Shefik Surdulli sekretar i degës së PDK-së në Gjilan tha se me vendim të kryesisë qendrore Kuvendi i degës së PDK-së është shtyrë për muajin janar.

Kuvendi i degës së PDK-së në Gjilan i paraparë të mbahet të premten është shtyrë për muajin janar 2013. Këtë lajm e ka konfirmuar Shefik Surdulli sekretar i degës së PDK-së. “Ju njoftojmë se me vendimin e qendrës është shtyrë për muajin janar 2013 kuvendi zgjedhor i degës së PDK-së në Gjilan” thuhet në njoftimin e Surdullit.

Nga ky njoftim nuk dihen arsyet e shtyrjes së Kuvendit, por konkurrenca e fort dhe interesimi e ambiciet e kandidatëve kanë frikësuar udhëheqësit e këtij subjekti politik për një vendim të tillë./rajonipress/