Fidanishtja

Shteti po gllabërohet nga SHIK-u

/ 2 minuta lexim

Kryetari i Komisionit për Mbikëqyrjen e Agjencisë Kosovare të Inteligjencës, Florin Krasniqi, ka alarmuar për tendencat që institucioni i inteligjencës të bjerë në duart e pushtetit.

Gjatë një interviste për “Tribunën”, ai ka thënë se PDK-ja nëpërmjet SHIK-ut dëshiron t’i futë duart edhe në Agjencinë Kosovare të Inteligjencës.

“Fakti që ata i kanë sjellë dy ish-agjentët e SHIK-ut në komisionin e Kuvendit, për mua e bën më të vështirë punën për ruajtjen e AKI-së”, ka vlerësuar Krasniqi.

Fidanishtja

Ai ka treguar se nuk ka hequr dorë nga iniciativa e tij për krijimin e një komisioni parlamentar hetimor për këtë organizatë.

Krasniqi ka rrëfyer edhe për vështirësitë që po has në grumbullimin e nënshkrimeve nga deputetët për ngritjen e një komisioni të tillën.

“Unë nuk kam plan ta ndal aktivitetin tim për hetimin e SHIK-ut. Duhet të bëhet e qartë se pa hetimin e këtyre organizatave nuk mund të zbulohen vrasjet politike e krimet e rënda ekonomike. Nuk mund të zbulohet asgjë e keqe që i ka ndodhur vendit”, ka thënë Krasniqi. /Telegrafi/