Shtetasi i Serbisë kapet duke tentuar kalim ilegal të kufirit

Gjilan – Policia ka ndaluar një shtetas të Serbisë i cili dyshohet se ka tentuar të kalojë ilegalisht kufirin ndërmjet Kosovës dhe Serbisë.

Rasti ka ndodhur më 13 mars 2026 rreth orës 14:25 në pikën kufitare Dheu i Bardh, ku gjatë patrullimit policia ka ndaluar të dyshuarin që po tentonte të kalonte kufirin në këmbë në mënyrë të paautorizuar.

I dyshuari është intervistuar nga autoritetet dhe me vendim të prokurorit është dërguar në procedurë të shpejtë pranë gjykatës, ndërsa rasti mbetet nën hetime njoftoi policia e Kosovës./rajonipress/