Shtëpia e Bardhë vlen 110 milionë dollarë

1600 Pennsylvania Avenue, Washington D.C. Kjo është adresa më e lakmuar për momentin në Shtetet e Bashkuara. Për t’u vendosur aty, Mitt Romney, kandidati pothuaj i sigurt i republikanëve për zgjedhjet presidenciale amerikane, duhet ta nxjerrë nga aty konakarin aktual Barack Obama, i cili dëshiron ta zgjatë edhe për katër vjet pronësinë mbi të.

Mirëpo, sa vlen në të vërtetë Shtëpia e Bardhë në tregun e patundshmërive?
Për t’i dhënë përgjigje kësaj pyetje, agjencia e patundshmërive “Movoto” ka vendosur të kërkojë ndihmën e ekspertit të patundshmërive Jason Koitz, i cili do ta vlerësonte çmimin e ndërtesës më emblematike të kryeqytetit federal, njofton faqja e internetit “Politico”.

Duke u bazuar në një studim të çmimeve të tregut të të mirave luksoze në zonën e Washington D.C., eksperti përmend çmimin prej 110 milionë dollarësh. “Duke pasur parasysh sipërfaqen dhe vendndodhjen e saj, çmimi i tregut për një pasuri të këtij lloji do të sillej në rreth 100 milionë dollarë. Do të thosha më shumë 110-115 milionë”, thekson Jason Koitz.

“Pra, më shumë se 13.640 dollarë metri katror. Duke qenë se ajo ka një sipërfaqe prej 5100 metrash katrorë. Kjo është një rezidencë jashtëzakonisht luksoze”, shton ai.

Në fakt, ndërtesa në gjashtë nivele përveç 132 kthinave (në mesin e tyre edhe 32 banjo dhe 16 dhoma gjumi), përfshin edhe kopshte në sipërfaqe prej 7,3 hektarë, një fushë tenisi, një pistë birilesh, një pishinë, një fushë basketi apo edhe një pistë vrapimi. Pa përmendur këtu hapësirën e lartë nën tavan.

“Mirëpo, duke pasur parasysh vështirësitë me të cilat është përballur tregu i patundshmërive në SHBA që nga shpërthimi i krizës më 2007, blerësi mund ta blejë për një shumë më të vogël, rreth 80 milionë dollarë”, thekson eksperti.

Sigurisht, vlerësimi nuk merr parasysh vlerën historike të ndërtesës, që është rezidenca zyrtare e presidentit të Shteteve të Bashkuara të Amerikës që nga viti 1800. Po të vlerësohej, Jason Koitz mendon se pasuria e patundshme më prestigjiozja në SHBA do të vlente mbi një miliard dollarë.

E ata që nuk i kanë mjetet për ta blerë, ose ata që nuk kanë kurrfarë ambicie presidenciale, mund të shpresojnë ta kenë të tyren Shtëpinë e Bardhë, në të vërtetë ndonjë kopje të saj. Në botë janë disa kopje, ndërsa më identikja është në Kinë, në qytetin Hangzhu.
132 kthina, 16 dhoma gjumi.

Në fakt, ndërtesa në gjashtë nivele përveç 132 kthinave (në mesin e tyre edhe 32 banjo dhe 16 dhoma gjumi), përfshin edhe kopshte në sipërfaqe prej 7,3 hektarë, një fushë tenisi, një pistë birilesh, një pishinë, një fushë basketi apo edhe një pistë vrapimi. Pa përmendur këtu hapësirën e lartë nën tavan.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).