Shtabi i LDK-së: Kundërkandidatët ua ulën rejtingun Gjilanit!

Gjilan – Shtabi i Lidhjes Demokratike të Kosovës në Gjilan njofton opinionin se kryetari i Degës dhe kandidati për kryetar, Lutfi Haziri, ka marrë pjesë në akademinë përkujtimore kushtuar jetës dhe veprës së veprimtarit të çështjes kombëtare në mërgim, Ilir Mustafa, e cila është mbajtur në Zvicër dhe për këtë shkak nuk ka mundur të jetë i pranishëm në debatin në TV Dukagjini.

Shtabi vlerëson se kandidatët e partive tjera ia kanë ulë shumë rejtingun Gjilanit në këtë debat dhe kur të kthehet kryetari Haziri do ta pasqyrojë një Gjilan tjetër, ashtu çfarë është në fakt.

Megjithatë, Shtabi i LDK-së uron për fillimin e debatit dhe ofrimin e programeve thuhet në reagimin e degës së LDK-së në Gjilan./rajonipress/