Shtabi i koalicionit të LDK’së në Anamoravë e vlerëson lartë përkrahjen e qytetarëve

Gjilan – Shtabi Zgjedhor i koalicionit LDK-AKR-Alternativa-Lëvizja për Drejtësi, që përfshinë Gjilanin, Kamenicën, Vitinë, Kllokotin e Novobërdën, ka mbajtur sot takim, ku u vlerësua lartë përkrahja e fuqishme e qytetarëve të kësaj ane.

Kryetari i LDK-së në Gjilan, njëherit nënkryetar në nivel qendror, Lutfi Haziri, ka thënë se kjo përkrahje e madhe e gjilanasve dhe Anamoravës, është dëshmia më e mirë e fitores së madhe të Koalicionit të zhvillimit më 11 qershor.

“Kudo që po shkojmë, masoviteti në tubime po rritet vazhdimisht. Përkrahësit tanë nuk po i zënë sallat. Me dinamikë edhe më të madhe duhet të punojmë së bashku me partnerët tanë, që të fitojmë në mënyrë madhështore më 11 qershor dhe rivalët t’i çojmë në opozitë sa më të vogël”, tha Haziri./rajonipress/