Shqyrtohet ridestinimi i mjeteve buxhetore

Gjilan – Në mbledhjen e Këshillit të Drejtorëve është shqyrtuar Propozim rregullorja për organizimin dhe bashkëpunimin e Komunës me fshatrat,vendbanimet urbane në territorin e Komunës së Vitisë.

Gjithashtu janë shqyrtuar edhe propozim vendimi për ridestinimin e mjeteve buxhetore për pesë muajt e vitit 2012 dhe propozim vendimi për ndarjen e një lokacioni për vendosjen e centralit telefonik në fshatin Radivojcë.

Pas debatimit të këtyre pikave drejtorët janë pajtuar që këto pika të shkojnë për procedime të mëtutjeshme. Ndërsa me kërkesë të drejtorit të Ekonomisë Financave dhe Zhvillimit, Islam Jashari është mbajtur një mbledhje konsultative në mes të këtij këshilli ku drejtorët e drejtorive janë njoftuar rreth periudhës së planifikimit të buxhetit për vitin 2013-2015. /rajonipress/