Shqiptari, trajner në ligën NLA të Unihokej-it
RajoniPress
23:16, 15 Maj, 2013
Kosovari 35 vjeçar, Luan Misini, ka lidhur kontratë njëvjeçare me klubin Grasshoper të Cyrihut, duke i zënë vendin suedezit Magnus Svenson.
Luan Misini, një shqiptar nga Berna, është emëruar trajner i klubit të ligës superiore të unihokej-it (hokej në sallë, pa akull) Grasshoper Club Zürich. Kosovari 35 vjeçar ka lidhur kontratë njëvjeçare me këtë klub, duke i zënë vendin suedezit Magnus Svenson i cili e ka braktisur së fundi klubin nga Cyrihu.
Së fundi Luan Misini ka punuar në klubin Biel-Seelnd, kryetrajner i ekipit U21. Para kësaj Misini për katër sezone ka qenë ndihmëstrajner Floorball Köniz, me të cilin në vitin 2008 kishte fituar kupën dhe kishte arritur në finalen e play-offit. Në vitin 2006 si kryetrajner i juniorëve U21të Floorball Köniz ishte bërë kampion i Zvicrës.
Pas tri vitesh pauzë Misini është kthyer sërish nëligën superiore (NLA) të Zvicrës, shkruajnë mediet zvicerane.
