Shqiptarët, UÇK-ja dhe Gjykata speciale

Nga Shefik Sadiku – Paradoksi që ka ndodhur me Gjykatën Speciale, e cila po merret me ndjekjen e pretendimeve për krimet e UÇK-së gjatë luftës për çlirimin e Kosovës, nuk ka ndodhur, në të kaluarën dhe nuk do të ndodh as në të ardhmen, askund në botë.

1. Ushtria që ka bërë luftë mbrojtëse askund nuk ndodh të ndiqet nga asnjë gjykatë, kurse ushtria që ka vrarë, dhunuar e pushtuar, amnistohet nga kjo gjykatë !
2. U bë presion i madh politik mbi Kosovën që ta votojë këtë gjykatë selektive, e cila u ideua për të hetuar trafikimin e pretenduar të organeve gjoja nga UÇK-ja, kurse kjo nuk është tashmë temë e akuzës, sepse asnjë hetim s’ka mundur ta vërtetojë këtë. Pra Gjykata doli nga mandati për të cilin ishte votuar.
3. Me dhjetëra e mijëra civilë shqiptarë ka vrarë Ushtria serbe, me mijëra femra shqiptare ka dhunuar kjo ushtri, me qindra mijëra objekte banimi ka rrënuar kjo Ushtri në Kosovë, miliarda dëme materiale ka shkatërruar Ushtria serbe në Kosovë, qindra masakra makabre kundër shqiptarëve të pa mbrojtur, pleq, të sëmurë, gra e fëmijë ka kryer Ushtria serbe kundër shqiptarëve të Kosovës . Përkundër të gjitha këtyre e pamundur është të shkojë numri deri në 100 serbë që e kanë gjykuar këtë barbari serbe antishqiptare. Fatkeqësisht me dhjetra mijëra shqiptarë, intimisht, kanë qenë dhe janë kundër Ushtrisë Çlirimtare të Kosovës, duke i besuar propagandës antishqiptare serbe se gjoja UÇK-ja ka kryer krime kundër serbëve. Mjerisht këtij narracioni i kanë besuar edhe dhjetra mijëra shqiptarë të ndikuar politikisht.
4. Pse asnjë aktakuzë e Tribunalit të Hagës kundër ushtarakëve serbë për gjenocidin në Kroaci, Bosnjë dhe Kosovë, nuk e quajti Ushtrinë e Serbisë, si ushtri shumë e strukturuar horizontalisht dhe vertikalisht, si ndërmarrje kriminale, por Gjykata Specisle UÇK-në e akuzon për Ndërmarrje të Përbashkët Kriminale ?
5. A nuk mjafton kjo për ta kuptuar shqiptarët për ngjyrimin kryekreje politik të kësaj gjykate ?