Shqiptarët ndahen baras

Skuadra e Hamburgut dhe ajo e Bayern Munichut në ndeshjen e të shtunës, të rëndësishme për javën e katërt në Bundesligën gjermane, ka përfunduar me rezultat të barabartë, 0:0. Që në fillim të ndeshjes u pa një iniciativë e lehtë e bavarezëve të cilët e diktuan lojën si në pjesën e parë ashtu edhe në të dytën. Mirëpo, asnjëra skuadër nuk arriti që asnjëherë ta rrezikoj portën e njërës apo tjetrës skuadër.

Ndeshja filloi me luftë të ashpër në mesfushë dhe u karakterizua me faulle të shumta. Në minutën e katërt të ndeshjes, Xherdan Shaqiri harkoi bukur në zonën e rreptësisë së kundërshtarëve, mirëpo mbrojtësit e skuadrës së Hamburgut e larguan rrezikun.

Në pjesën e dytë pikërisht në minutën e 48-të të ndeshjes, Hamburgu e pati rastin e parë të rrezikshëm në ndeshje, ku pas një pasimi të saktë në zonën e rreptësisë së Bayernit, Nicolai Muller gjuajti bukur në drejtim të portës së Neuerit, mirëpo topi shkoi shumë afër shtyllës së majtë pingule…(Arena).